Inolako zalantza izpirik gabe hezkuntza da gizartearen oinarria eta zutabe. Ondorioz, gizarteak egin dezakeen inbertsiorik onena hezkuntzan egiten duena da. Inork jartzen al du hori dudatan? Alabaina, nolako hezkuntza nahi dugu? Zein helburu bete behar ditu? Zer baliabide eskaini behar zaizkio? Zeinen zerbitzura egon behar du? Antzeko galdera asko egin daitezke eta galdera berari hainbat erantzun desberdin eman. Jardunaldi honetan galdera horiei eta antzeko beste batzuei erantzunaren zati bat eman nahi diegu. Horien inguruko gogoeta egiteko elementuak eman nahi ditugu. Horretarako Estoniako, Kubako, Portugalgo eta Euskal Herriko adituak izango ditugu gurekin.

Jarraitu irakurtzen

 

Jarraitu irakurtzen

Euskara batua eta tokian tokiko erabilera: korapiloak eta erronkak jardunadiaren laburpen-bideoa esteka honetan ikus daiteke

Jarraitu irakurtzen

Izenburu hori duen monografia publikatu berri du Ezkerraberrik Coppieters Foundation europar fundazioarekin elkarlanean. Liburuan, 2017ko irailean Europako Parlamentuan eginiko jardunaldiko ponentziak biltzen dira: Euskal Herria, Gales, Katalunia, Galizia eta Kortsika aztergai. Monografia Coppieters fundazioaren webgunetik deskarga daiteke.

Jarraitu irakurtzen

Izena ematea itxita dago aretoa bete delako. Jardunaldia bideo-streamingez jarraitu ahal izango da helbide honetan.

Euskara batua finkatuta dago maila idatzi formalean: badaude garatu beharreko esparruak eta eztabaida gune batzuk euskalkien eta estandarraren erabileraren inguruan (tokiko prentsa, esate baterako), baina funtzio formaletan euskara batuaren nagusitasuna eztabaidatik kanpo dago. 50 urtetan lortu da euskara idatzia esatea eta euskara batua esatea sinonimoak izatea.

Munduko beste hizkuntzetan bezala, idatzizko kode informalak ere sortu dira (sare sozialak, etab.), baina ez dute ezbaian jarri erabilera formaletarako eredu estandarra.

Ez da gauza bera gertatzen, ordea, ahozko erabilerari dagokionez.

Mila esker jardunaldian izena eman duzuen guztiei.

Jarraitu irakurtzen

Turismo modernoa estuki lotuta dago garapenarekin eta gero eta helmuga berri gehiago hartzen ditu bere baitan. Turismoa da Europako Batasuneko (EB) hirugarren jarduera sozio-ekonomiko handiena eta EB barne-produktu gordinari eta enpleguari ekarpen inportanteak egiten dizkie. Nahiz eta turismoak gero eta garrantzia sozio-ekonomiko handiagoa izan Europako erregioen ikuspegitik, Europako erregio askotan egin berri diren azterketa batzuek arazo inportanteak identifikatu dituzte esparru hauetan: baliabide naturalen jasangarritasuna, berrikuntzaren dinamika eta espezializazio-eskemak eta turismoaren errentagarritasunaren eta erregioen garapen jasangarriaren arteko harremanetan.

Horri buruz gogoeta egiteko Ezkerraberri fundazioak, Deustuko unibertsitateak eta Coppieters fundazioak jardunaldia antolatu dute maiatzaren 3an Donostian. INFORMAZIO GEHIAGO

Jarraitu irakurtzen